ప్రజల అమాయకత్వాన్నే ఆస్తులుగా మార్చుకుంటున్నాఋ

చెట్లు-గుట్టలు -అవే రేపటి మన జాడలు-2 !

చుట్టూ ఉన్న ఈ గుట్టల వలన కురిసే వర్షాపాతం తో ఊరికి ఉన్న మూడు పెద్ద చెరువులు,
నాగుల చెరువు ,ఊరచెరువు ,ఆరేడు చెరువు నిండుతాయి. గుట్ట ఏనెల పొంటి ఉన్న ముప్పై
ఆరు కుంటలు నిండుతాయి . ఈ మూడు చెరువులు ముప్పైయారు కుంటలు ప్రతి సంవస్తారం
నిండుతున్న కారణంగా ముఖ్యంగా భూగర్భ జలాలు బాగా పైన ఉండి గ్రామం లో మూడు వందల
వ్యవసాయ బావులలో సమృద్దిగా నీరు ఉండి రెండు పంటలకు రెండు వేల ఏకరాల్లో వరి, రెండు
వందల ఏకరాల్లో మామిడి, వంద ఎకరాల టేకు, అరవై ఏకరాల నిమ్మ తోటలతో, భూమి ఉన్న
వాళ్ళకు మాత్రమే గాకుండా భూమిలేని వ్యవసాయ కూలీలకు కూడా ఏడాదికి పన్నెండు నెల్లు
.చేతి నిండా పని దొరుకుతున్నది.
ఈ గుట్టల పైన కురిసే వాన చిన్నచిన్న కుంటలు నింపడంతో బాటుగా నాగుల చెరువు,
అన్నారం చెరువు, రంగం పేర చెరువులను నింపి మిగిలిన నీరు మానేరు నదిలో ,కలుస్తుంది
మరోవైపు నుండి ఈదులాగట్టేపల్లి చెరువు, అన్నారం ఊరడి చెరువు, రంగంపేట చెరువులను
నింపి మిగిలన్ నీటిని మానేటిలో వదులుతుంది. ఇంకొక వైపునుండి లలితపూర్ గుట్టల్ల నుంచి
దేవంపల్లిచెరువు నింపి రంగంపేట్ గ్రామానికి చెందిన గుండ్ల కుంట నింపి మానేరును చేరుతుంది.
కరీంనగర్ జిల్లాలో గంభీరావ్ పేట నుండి మొదలై కాటారం మండలం దామరకుంట వద్ద
గోదావరిలో సంగమించే మానేరు నది జిల్లాలోని 40 మండలాలకు పరీవాహక ప్రాంతమైన జీవనదీ.
ఆ జీవనదికి జీవగర్రలు ఈ బండల కొండలు.
గ్రానైట్ క్వారీల వలన ఎత్తైన గుట్టల స్తానమ్ లో బండలు పెకిలించబడ్డ బొందలతో ఊర్ల చుట్టూ
పగులగొట్టబడిన రాళ్ళు,మట్టి దిబ్బలు,వెలసి వర్షాలు లేక భూగర్భ జలాలు అడుగంటిపోయి
భూములన్నీ ఏడార్లుగా మారే ప్రమాదం ఉంది. క్వారీల బ్లాస్టింగుల మూలంగా ఎగసిపడే రాళ్ళు,
దుమ్ముతో ... ఉన్న పంటలు పర-పరాగ సంపర్కానికి దూరమై, వరి, మామిడి, నిమ్మ, మక్కా,
కూరగాయతోటలన్ని నాశనమై పోతాయి. గందకం కర్బండయాక్సైడ్ సిలికాన్ అణువులు గాలిని
సాంధ్రీకరించడం వలన సిలికోసిస్, బాంక్రయిట్స్ వ్యాధులు ప్రభలే ప్రమాదం ఉంది. అలాగే
లక్షల ఏండ్ల నుండి కొండల ఉపరితలాలు గాలికి సూర్య రశ్మికి ఎక్స్పోస్ కావడం వలన రేడియో
ధార్మిక శక్తిని ఎమిషన్ చేసి వదిలించుకున్నాయి కానీ ఇప్పుడు నూతనంగా కొండలను
పగలేసినందున బండల్లో ఇమిడియున్న యురేనియామ్ ,థోరియం లాంటి మూలకాలు సూర్య
రశ్మికి ,గాలిలో ఉన్న వివిధ వాయువులతో ఎక్స్పోజ్ అయ్యి రేడియో ధార్మిక కిరణాలను విడుదల
చేయడం వలన కాన్సర్ లాంటి భయంకర వ్యాధులు విజృంభించే ప్రమాదం ఉంటుంది.
కర్ణాకర్ణిగా ఈ విషయాలన్నీ తెలుసుకున్న ప్రజలు గ్రామం లో సర్పంచును నిలదీశారు.
గ్రామానికి సంబంధించి ఏ విషయమైనా గ్రామం లో డప్పు చాటింపు వేయించి గ్రామ సభ పెట్టి
ప్రజలతో చర్చించి నిర్ణయం తీసుకోవాలని పంచాయత్ రాజ్ చట్టం లో చెప్పబడింది.అలాంటిదేమీ
లేకుండానే గ్రానైట్ క్వారి గుత్తేదారులు బహూకరించిన పర్సులతో సంతృప్తి చెందిన గ్రామ పరి-
పాలన యంత్రాంగం అనుమతి ఇచ్చింది. గ్రామ పంచాయితీ తీర్మానం చట్ట ప్రకారం జరిగిందా లేదా
అని పరిశీలించి పైకి పంపవల్సిన తహసిల్దార్ తన వాటా తనకు ముట్టగానే పైకి పంపించారు.
ఇలా ఎవరి వాటాలు వారు తీసుకొని మానవ మనుగడనే అపహాస్యం పాలు చేస్తున్నారు.
గ్రానైట్ క్వారికి వ్యతిరేకంగా ఆగస్టు 16 నాడు జిల్లా చరిత్రలోనే ప్రప్రథమంగా రెండు వేల మంది
మహిలలతో కలక్టరేటును ముట్టడించి మెమోరాండం సమర్పించినారు.మానకొండూరు శాసన
సభ్యులు ఆరేపల్లి మోహన్కు మెమోరాండం ఇచ్చారు.అభివృధిని అడ్డుకోగూడదని ఉచిత సలహా
ఇచ్చారు, జిల్లా కలెక్టర్ ను కలువడానికి గ్రామస్తులు రెండు సార్లు వచ్చిన వారికి ఇంటర్వ్యూ
లభించ లేదు. సెప్టెంబర్ 9 నాడు స్టానికేతరురాలైన మనకొండూరు తహసిల్దార్ అన్నారంలో
గ్రామ సభ పెట్టింది. ప్రజలు గ్రానైట్ క్వారి గురించి ఆమెను నిలదీస్తే ధిక్కారమున్ సైతునా అని
తలచిన సీమాంద్ర అధికారిణి చిత్తు కాగితాలు ఏరుకొనే మాదిగ ముండలు నన్ను ప్రశ్నించే
వారయ్యరా అని కులం పేరుతో దూషించింది. కోపోద్రికులైన మహిళలు తహసిల్దారును గ్రామ
పంచాయితీ గదిలోకి నెట్టి తలుపులు వేశారు. సరే... పోలీసులు వచ్చి విడుపించుక పోయారుగానీ
ప్రభుత్వాధికారిని విధులకు ఆటంకం కలిగించారని తెల్లవారి సెప్టెంబర్ 10 నాడు ఆరుగురిని అరెస్ట్
చేసి తీసుకు వెళ్లారు. కులం పేరుతో దూషించిన సీమాంధ్ర అధికారిణి పై కేసేందుకు పెట్టరు అని
ఐదు వందల మంది మహిళలు పోలీస్ స్టేషన్ ముందు ధర్నా చేస్తే గాని ఎస్సై స్పందించ లేదు.
ఎస్సీ ఎస్టీ అట్రాసిటీ కేసు విచారణకని సెప్టెంబర్ 11 నాడు అన్నారం వెళ్లిన ఎస్సై గ్రామస్తులను
తీవ్రంగా బెదిరించి వచ్చారు.
గ్రామ సభ కొరకు డప్పుచాటింపు చేయకుండా గ్రామస్తులకు మాటమాత్రం చెప్పకుండా
గ్రామసభ పెట్టకుండానే తీర్మానం రాసి పంపిన సర్పంచ్ పైనా కేసు ఉండదు, ఆ కాగితాలు పరిశీలించ
చకుండా చేతులు తడిపిన పుణ్యానికి పంటలను పశువులను పర్యావరణాన్ని ప్రజల ఆయుర్-
ఆరోగ్యాలను ధ్వంసం చేయడానికి సిఫారసు చేయడం తో బాటుగా కులం పేరుతో దూషించిన
తహసిల్దార్ పై ఏ చేర్యా ఉండదు. ఎక్కడినుండో వచ్చి ఇక్కడి సంపదను మరెక్కడికో తరలించుక
పోతూ ఇక్కడి ప్రజలను వనరులను కొల్లగొట్టుక పోతున్న గ్రానైట్ గుత్తేదారులపై ఏ కేసు ఉండదు,
రాజ్యాంగ కల్పించిన అవకాశం మేరకు శాసనా సభ్యుడుగా ఎన్నికై ఈ ప్రజల ప్రయోజనాలకు
కట్టు బడి ఉంటానని దాని పైనే ప్రమాణంచేసి గద్దెనెక్కి .,ఆ ప్రజల బ్రతుకులను బండలు చేస్తున్న
విధ్వంసకులైన క్వారి యజమానులకు దన్నుగా నిలిచిన స్టానిక ఎమ్మెల్లే పైన ఏ కేసు ఉండదు
ప్రజాభిప్రాయ సేకరణ జరుగకుండానే డిసాస్టర్ మేనేజ్మెంటుకూ అవసరమైన చర్యలేమీ గైకొన
కుండానే అనుమతి మంజూరు చేసిన గనుల శాఖ అధికారుల పైన ఏ చర్యా ఉండదు. కానీ...
రేపటి తరాలకు అన్నం కోసం, అవసరాలకోసం , ఆరోగ్యాల కోసం తల్లడిల్లిన జనం ఇది తగదు
తగదు అంటే తన్ని కేసులు పెడుతారా? ఇదెక్కడి ప్రజాస్వామ్యం?
ప్రజాస్వామ్యయుతంగా వినతి పత్రాలు ఇచ్చారు, ధర్నాలు చేశారు, అధికారులను కలిశారు,
తీడితేనే తిరుగబడ్డారు. ప్రజాస్వామ్యయుత పోరాటాలకు ,పరిష్కారాలకు ఈ ఎల్లక్షన్ల డెమోక్రసీ
స్కోప్ ఇవ్వకుంటే ప్రజలు ప్రత్యామ్నాయ మార్గాలు వెతుక్కుంటారని కేంద్ర గృహ మంత్రి
చిదంబరం ఏడాది క్రితమే చెప్పినాడు.
రాజ్యం , ఓపెన్ కాస్టులు అంటది,, ఇనుప ఖనిజాలు అంటది , గ్రానైట్ క్వారీలు అంటది, అదే
అభివృద్ధి అంటున్నది. మాకు అన్నం పెట్టె మన్నును తవ్వోద్దంటే మర్ల బడుతార అని తుపాకీ
తీస్తున్నది. ఆనాటి బ్రిటిష్ ప్రభుత్వానికి వలెనే ఈ నాటికి అదే పద్దతి అవలంభిస్తున్న ఈ సర్కారు
ప్రజలనుండి... ప్రజలకొరకూ.. అని చెప్పుకుంటే ప్రజలు ఇంకా ఎంతో కాలంనమ్మరు , సహించరు.

చెట్లు-గుట్టలు-అవే రేపటికి మన జాడలు !

అన్నారం ఒక చిన్న గ్రామం. చుట్టూ లక్షల సంవస్తారాల నుండి ఆ భూమి పైన జరుగుతున్న
మార్పులను వెయిల సంవస్తారాలనుండి మనుషుల ఆరాట పోరాటాలను గమనిస్తూ గమ్యం
చూపుతున్న పెద్ద పెద్ద నల్లటి బండసరం రాళ్లతో మోదుగ,తునికి,సీతాఫలం,ఉండ్రుగ,వేప చెట్లతో
పచ్చని ఎత్తయిన గుట్టలు , ఆ గుట్టల నడుమ పాటగాడు చెప్పినట్టు భూమికి పచ్చని రంగేసి-
నట్టున్న పచ్చటి పంటపొలాలతో,పల్లె నిజంగానే పాడిపంటల పల్లెసీమే. కరీంనగర్ జిల్లా కేంద్రానికి
సమీపాన ఉండటంతో ఆధునిక వ్యవసాయ పద్దతులు,అక్షరాస్యత,చేతివృత్తులు,అందరికీ చేతి
నిండా పని.
ఉన్నట్టుండి మూడు నెలల క్రితం ఆ వూళ్ళో గ్రానైట్ బాంబు పడింది.ఊరికి ఉత్తరాన ఉన్న ఊర-
గుంట, నాగులమ్మ గుట్టల్లో బ్లాస్టింగ్ చప్పుళ్ళతో ఊరు ఉలిక్కి పడ్డది. సంగతేందని ఆరదీసింది.
కొందరు సంపన్నులైన గుత్తేదార్లు నాగులమ్మ గుట్ట, ఊరగుట్టలోని బండరాళ్లను తవ్వి తీసి
గ్రానైట్ గా మార్చి దేశవిదేశాలకు అమ్ముకోవడానికి అనుమతి తెచ్చుకున్నారని తెలిసింది.
ఆ గుట్టలతో మనకు వచ్చెదేంది పొయ్యేదీందని కొందరు అనడం తోటి అందరూ పెద్దగా ఏమీ
పట్టించుకోలేదు. పుట్టల్లోని చీమలు తెట్టెల్లోని తేనె చిన్నా చిన్న జీవరాసుల తింటూ ఇంతవర-
దాకా , పిల్లాపాపలతో గుట్టల దోనల్లో చీకు చింత లేకుండా జీవిస్తున్న గుడ్డేలుగులు బ్లాస్టింగు
బాంబింగులకు బెదిరి పోయి పట్టపగలే ఊరిమీద పడి దొరికిన వాల్లను దొరికినట్లు నోటితో కొరికి
పంజా తో గాయ పరిచి నాయి. కొరిజీవి మిగిలినా ,కండ్లు కాళ్ళు,చేతులు కోల్పోయిన వారి
గగ్గోలుకు స్పందించి దయార్ద్ర హృదయురాలయిన స్టానిక ఎస్ ఐ ఒక గుడ్డేలుగును తన సర్వీస్
రివాల్వర్ తో కాల్చి చంపి ప్రజల భయాలను పాటా పంచలు చేసింది. గుట్టల్లోని చెట్లలో స్వేచ్చగా
పురివిప్పి నాట్యమాడిన మయూరాలు భయం తో కాపాడుతారనుకొని గ్రామం లోకి వస్తే ఈకలు
పీకి తినగా మిగిలినవాటిని అభయారన్యానికి అప్పగించారు. ఈ విషయాలన్నీ గమనిస్తున్న
పెద్దమనుషులు ఇంతటి తోనే ఏమయిందిరా కొడుకులాల? మనం ఇట్లానే నోరు మూసుకొని
ఊకుంటే ఈ జంతువుల పక్షుల్లాగే మనం కూడా ఈ పచ్చని పంట పొలాలను , మనలను
నిలబడనిచ్చిన నేలను , నీళ్ళు తాపిన చెర్లను , గుండెల నిండా గాలిని పీల్చుకొనిచ్చిన చెట్టు
చేమా పుట్టా బూసీని వదిలి పెట్టి పొట్ట చేత బట్టుకొని సెంచారం బోకటే ఉంటుందని చెప్పిండ్రు.
మిన్నిరిగి మీదబడే దాకా ఏదీ నమ్మని మన మేధోవంతులు అట్లేట్ల? అని ప్రశ్నించినారు .
సీతాఫలాలు సేకరించి అవసరార్థులకు ఇంతవరదాక అందజేసి పొట్టబోసుకున్న ముదిరాజ్
తెనుగు వాళ్లకు జీవనోపాధి పోతుంది. మేకలు,గొర్రెలు ,పశువులు, ఇకనుండి గుట్టల పయికి
పోయి మేయడానికి గడ్డి ఉండదు.మేత ఉండదు, పెండ , పిడుకలు ఉండవు, ఏరుకొని
తెచ్చుకోవడానికి గుట్టపైన కట్టెలు ఉండవు. ఇవన్నీ ఒక ఎత్తైతే వర్షపాతం తగ్గిపోయి చెరువులు
ఎండిపోయి బుగర్భజలం తగ్గిపోయి ఇంతవరదాక తేనెపట్టులాంటి పొలాలన్నీ బీడు భూములుగా
మారిపోనున్నాయని అందరికీ తెలిసేసరికి ప్రశాంతంగా ఉన్న సముద్రంలో ఉప్పెన లేచి నట్లయింది

Blogger Buzz: Blogger integrates with Amazon Associates

Blogger Buzz: Blogger integrates with Amazon Associates

మా తల్లి భూదేవి

మా తల్లి భూదేవి మన్నిస్తావా మమ్ము!

మా తల్లి భూదేవి మన్నిస్తావా మమ్ము
లక్షల సంవస్తారాలు మంచు దుప్పటిల మగ్గి
బడబాగ్నిగ బద్దలయ్యి పురిటి నొప్పులెన్నోతీసి
గాలి నీరు గుట్ట చెట్టు ప్రజలను ప్రసవిస్తివమ్మ

మహిమగల్లా నీదు మన్నులానుంచెల్లి
నీళ్ళు నిప్పులే గాదు అన్న పానాదులను
అడుగకుంటిచ్చినవు ఆదికాలము నుండి

నీ ఎద పైన కాలూని ఎదిగినవి వృక్షాలు
పూలు పండులే గాదు కొమ్మరెమ్మలే గాదు
ఔషధీ యుక్తమగు ఆకులలములు ఇచ్చి
సల్లంగా సాదినవు ఎల్ల జనులను తల్లి

పుడమి తల్లలనాడు పుక్కిలుంచుమిసిన
గండుశిల కొండలు బండ రాళ్లన్నియు
మేఘాల పిండినవి నీ కడుపు నింపినవి
వడగాలి సుడిగాలి అధిక ఉష్ణోగ్రతల
అడ్డు నిలిచాపినవి అందరూ బతుకుటకు.

కానీ........... తల్లీ............

తల్లి వీపును చీల్చి తల్లినే చంపేటి
తేలు పిల్లల తీరు తేలినము మేమంత
అడవులను నరికినము బోడులను చేసినము
సంద్రాల నిండుగా విషమునూ నింపినము

ఐరనూ ఓరనీ సున్నాపురాయని
గ్రానైటు క్వారియని ఓపనూ కాస్టుయని
తల్లి నీ కడుపునూ పెళ్లగించితిమమ్మ
అయిలూ లాగేసి బొగ్గునూ తవ్వేసి
అడ్డగోలుగ నిన్ను అమ్ముకుంటున్నాము

రేడియము థోరియము ఆటమూ బాంబులతో
మా బొందలను మేమే తవ్వుకుంటున్నాము
కూర్చున్న కొమ్మనే నరుకుకుంటున్నాము
అడ్డగోలుగ నిన్ను అమ్ముకుంటున్నాము

ఎవరి సంపదను ఎవరు అనుభవిస్తున్నారు? ఎవరు ఎవరికి సొమ్ములు ఇస్తున్నారు?

ధా రాజా తథా ప్రజా అనేది పాత సామెత ఇప్పుడు యథాప్రజా తథా రాజా అంటూ ఒక ఎలక్ట్రానిక్ ఛానెల్ చర్చ నిర్వహిస్తున్నది.
ఆ చర్చలో మాట్లాడుతున్న నాయకులు ఎన్నికలల్లో ప్రజలు ఓట్లు వేయడానికి డబ్బులు తీసుకుంటున్నారు కనుక అధికారం
లోనికి వచ్చిన తర్వాత మాకూ తీసుకోక తప్పడం లేదు అంటూ అది అంతా ప్రజల తప్పే అని అంటున్నారు. ఈ చర్చ ను గమనిస్తూ
ఉంటే రాజకీయ నాయకుల అవినీతికి ఈ చానల్ ఒక లెజిట్మెసి కల్పించినట్లు గా ఉన్నది. అవినీతిని సార్వజనీ కరణ చేస్తూ
అక్రమ సంపాదన తప్పు కాదు,అవకాశం దొరికినపుడు ఎవరైనా సంపాదించుకుంటారు,అలా సంపాదిస్తేనే కదా ఎవరైనా మళ్ళీ
అధికారం లోకి వచ్చేది అని ఒక నూతన కాకపోయినా ఆదర్షాలకు భిన్నంగా ఇదే ఈ కాలపు ఆదర్శం అని చెప్తున్నారు.
చిన్నా చితకా అధికారులు ఏమో కానీ ఒక మోస్తరు అధికారం అంటే తన అధికారం వలన ప్రజలకు చీమ కాలంత మేలు జరిగినా
ఆయనకు అదనపు సంపాదన వచ్చి తీరుతున్నది.చిన్న గుమాస్తా నుండి ఐ ఏ ఎస్ అధికారి వరకు,హోమ్ గార్డ్ నుండి డి జి పి
వరకు,గ్రామ సర్పంచి నుండి ముఖ్య మంత్రుల వరకు లక్షల కోట్ల సంపాదన కూడ బెట్టుకుంటున్నట్లు వాటిని విదేశీ బ్యాంకులల్లో
దాచుకుంటున్నట్లు ఆయా వ్యక్తుల ప్రత్యర్తుల విమర్శలల్లో వింటున్నాము. వాళ్ళే మన పాలకులు. వాల్లనే ఆరాధిస్తూ మళ్ళీ మళ్ళీ
వాళ్ళే కావాలని ఓట్లు వేసి ఎన్నుకుంటున్నాము. వాళ్ళ ఆస్తులను అధికారాలను కాపాడదానికి మనకున్న రక్షణ వ్యవస్తాను
అడ్డం పెడుతున్నాము. చట్టాలను రూపొందించే అధికారాలను కట్టబెడుతున్నాము. కనుక తమకు సంక్రమిస్తున్న అధికారాలను
సుస్తిరం చేసుకోవడానికి రాజకీయ నాయకులు,వారి తర్వాత వారి వారసులు అధికారం కోసం ఏమయినా చేస్తున్నారు.
ఆ మద్యన ఒక పాంప్లెట్ చూసాను. వై యస్ రాజా రెడ్డి మంచి ఒడ్డు పొడుగు ఉన్న పహిల్వాన్ అనీ,కడప జిల్లాలోని ఒక ముగ్గు
రాళ్ల క్వారీ యజమాని వద్ద కులీలను అజమాయిషీ చేయడానికి నియమించబడి కొంత కాలానికి అక్కడ లభిస్తున్న లాభాలను
చూసి క్వారి యజమానిని భౌతికంగా తొలగించి తానే క్వారిలను ఆక్రమించుకున్నాడని రాశారు. ఆ తర్వాత ఆయన కుమారులు
అప్పటికే క్వారీల ద్వారా లభించిన లాభాల పెట్టుబడితో శాసన సభకు గెలిచిన రాజశేఖర్ రెడ్డి పైన అసెంబ్లీ వద్దనే హత్యా
ప్రయత్నం కూడా చేసినట్లు ఆ పాంప్లెట్ లో రాశారు. దాని పైన ఎవరు కూడా కౌంటర్ చేయలేదు కూడా. అంటే రాజ్యాధికారం
ద్వారా ఒక కుటుంబానికి కేవలం ఒక్క తరం లోనే రెండో తరానికి ముఖ్య పదవిని కొనుక్కోగలిగినంతటి సంపద సంపాదించుకునే
అవకాశం లభించింది.ఆ ముఖ్యమంత్రి పదవి దక్కక పోయే సరికి ఆ యువ రాజు ఊరూ వాడా ఎలా ఏకం చేస్తున్నాడో
చూస్తున్నాము.
మన రాజ్యాంగం ప్రకారం ,లభించిన రాజ్యాధికారం తోటి దేశం లో ఉన్న సహజ వనరులు,ఉత్పత్తి అవుతున్న సంపద అంతా
ప్రజలందరికి సమానంగా పంచవలసిన బాధ్యతను విస్మరించి సహజ వనరులను,సంపదలను వాళ్ళే వ్యక్తిగత ఆస్తులుగా
మార్చుకుంటున్నారు. ఆ అధికారం తోటే ప్రజల డబ్బులతోటే పోషించ బడుతున్న రక్షణ యంత్రంగాన్ని తమకు,తమ ఆస్తులకు
రక్షణగా వాడుకుంటున్నారు. ఇది రాజ్యాంగ విరుద్దం అని ఎవరయినా గొంతెత్తిటే ఆ గొంతుకలను ఉత్తరిస్తున్నారు.
మహాత్మా గాంధీ వాళ్ళు నిత్యం జపించే వ్యక్తి. ఆయనే ఒక సారి ఏమన్నాడంటే నీ కనీస అవసరాలకు మించి నీ వద్ద ఒక్క
రూపాయి ఉన్నా అది నీ పక్కవానికి చెందవలసినదే. అంటే నీ జేబులో ఉన్న రూపాయి వాని జేబులోనుండి నీవు దొంగిలించినదే అని అన్నాడు
అక్రమంగా సంపాదించిన ఈ అవినీతి సొమ్ము అంతా ఎవరికి చెందాలి? ఎవరు అనుభవిస్తున్నారు? ప్రజలు త్యాగమూర్తులా? లేక
సకల సౌఖ్యాలు ప్రజల సొమ్ముతో అనుభవిస్తున్న ప్రజా ప్రతినిధుల?

పెట్రోల్ ధరల పెంపు బందులు.

పెట్రోల్ ఉత్పత్తుల పెంపు పైన దేశవ్యాప్తంగా బంధు జరిగింది.ప్రజల మద్దతు సంపూర్ణంగా ఉన్నది అనడానికి అనేక ఉదాహరణలు
ఉన్నాయి. ప్రభుత్వాలు ప్రజల ఇస్టమ్ మేరకే పరిపాలించాలి మరి. ఒకవైపు ప్రజలంతా పెట్రోల్ ధరల పెంపును వ్యతిరేకిస్తుంటే
ప్రభుత్వం మాత్రంససేమిరా అంటున్నది. అంతేగాకుండా భరత్ ఝన్ ఝన్వాలా లాంటి ప్రజా వ్యతిరేక మేధావులు ప్రభుత్వ
పాలసీలను సమర్థిస్తూ పత్రికల్లో వ్యాసాలు రాస్తుంటారు. మరో పాలక మేధావి ఇందర్ మల్హోత్రా రాజీవ్ గాంధీ చేసిన ఏకైక మంచి
పని భోపాల్ లో ఎం ఐ సి గాస్ లీక్ కు కారణమైన అందర్శన్ ను విడిచి పెట్టదమేనని కితాబు ఇస్తాడు. ఇంతటి ప్రజా వ్యతిరేకమైన
వ్యాసాలను మన పత్రికలు ప్రచురిస్తాయి.
బందు వలన 13 వేల కోట్లు నస్టమ్ జరిగిందట.ఇది జాతికి నస్టమట.కనుక బంధు జరుపవలసింది కాదని కొందరి వాదన.సరే వాదన
కొరకు ఒప్పుకుందాం. కానీ ప్రజల అభీస్టానికి వ్యతిరేకంగా పెంచబడిన ధరల వలన ఎన్ని లక్షల కోట్ల నస్టమ్ వాటిల్లనుందో ఈ
మేధావులు చెప్పరు. పైన చెప్పిన 13 వేలు ప్రజల నస్టమ్ కాదు అవి వాస్తవానికి ప్రజలకు మిగిలినాయి. కానీ ధరవరల పెరుగు
దలతో నస్టమ్ వాటిల్లేది ప్రజలకు. లాభాలు వచ్చేది పెట్టుబడి దార్లకు.
భరత్ ఝన్ ఝన్వాలా మాటల్లోనే మనం ఉపయోగిస్తున్నపెట్రోల్ లో దిగుమతి చేసుకుంటున్నది 80% మన దేశం లోనే లభిస్తున్నది
20%.మరి మన దేశం లోనే లభిస్తున్న 20% పెట్రోల్ పైన గూడ ఈ పెరిగిన ధరలు వర్తిస్తాయి. అది వివక్షత గాదా? ఈ డబ్బులు
ఎవరి ఖతాలోనికి పోతున్నాయో ఎందుకు లెక్కలు చెప్పరు? దరలు పెంచకుంటేనట ప్రభుత్వాలు ఆ ధరలు భరించడానికి
అదనంగా కరెన్సీ ముద్రించ వలసి ఉంటుందట? ఎంత అడ్డగోలు లెక్కలు చెప్తున్నారు ఈ మేధావులు? కరెన్సీ ఎలా ముద్రుస్తారు?
దేశం లో ఉత్పత్తి కానున్న సకల వస్తువులు సరుకులుగా మారి మార్కెట్ లోనికి వస్తే వాటిని మారకం చేసుకోవడానికి అవసరమైన
మేరకు కరెన్సీ ఉత్పత్తి చేస్తుంది ఏ దేశమైనా. ప్రభుత్వ నిర్వాహణ కొరకు సరుకుల పైన పన్నులు వేస్తాయి ప్రభుత్వాలు. అలా
కాకుండా ఇస్టమ్ వచ్చిన విధంగా కరెన్సీ ముద్రించుకుంటూ పోతే ఆ కరెన్సీ కి విలువే ఉండదు. ఇంతటి నగ్న సత్యాలను
సైతం అబద్దాలతో దేశ ఆర్థిక విధానాలను కూడా వక్రీకరించి రాస్తుంటే పత్రికలు ప్రచురిస్తాయి . ఈ పద్దతికి భిన్నంగా కరెన్సీ
ముద్రించరా అని అంటే ముద్రిస్తారు కానీ ఈలాంటి పరిస్తీతుల్లో కాదు. అట్లా ఇస్టమ్ వచ్చిన విధంగా ముద్రించుకుంటే ఇక
ఇన్ని దేశాలనుండి ఇంతేసి అప్పులు ఎందుకు మనకు?
సరే ఇక ఈ పెట్రోల్ ధరల ను ఎవరు ఎలా నిర్ణయిస్తారు? వాస్తవానికి గాలి,నీరు ఎలా సహజ సిద్దంగా లభిస్తున్నాయో పెట్రోల్
కూడా అంటే సహజసిడ్డంగా లభిస్తున్నది. నీళ్ళు బాటిల్లాలో,గాలి పంఖా బిగించిన తర్వాత సరుకులు అయినట్లుగా పెట్రోల్ కు
మానవ శ్రమ జోడించిన తర్వాత సరుకు అయింది. ఆ సరుకుకు అంతర్జాతీయ మార్కెట్లో వచ్చిన డిమాండ్ మేరకు రేట్లను
పెంచుతూ పోతున్నారు.అసలు ఏదైనా ఒక సరుకుకు రేటు ఎలా నిర్ణయించాలి?
ఉదాహరణకు ఒక కుండ రేటును ఎట్లా నింర్ణయించాలి? ఒక పది బండ్ల మట్టి ని తేవడానికి అయిన బండి కిరాయి, ఒక ఇద్దరు
మనుషులతో మట్టిని మెత్తగా నలుగ కొట్టేడానికి.మరో నలుగురు మనుషులతో నీళ్ళు పోయించి మెత్తగా తొక్కించడానికి,
రెండు రోజులు కుమ్మరి కుండాలను ఆనడానికి,ఒక రోజు వాటి అడుగులు మూయడానికి. ఒక నాలుగు బండ్ల కట్టేలా ఖరీదు,
ఈవెగాక ఇంకా ఏమయినా ఖర్చులు అయి ఉంటే మార్కెట్ రేటు ప్రకారం లెక్క వేసి ఆ కుమ్మరి వాము నుండి తీసిన కుండల్లో
నుండి పలిగి పోగా మిగిలిన ఒ ముప్పయి కుండలు ఉన్నాయి అనుకుంటే అయిన ఖర్చు ఒ 600 రూపాయలు అనుకుంటే ఒక్కక్క
కుండకు 20 రూపాయల ధర నిర్ణయించాలి. కానీ జరుగుతునది ఏమిటి? పరిశ్రమాధిపతి వస్తువు ఎంతకూ తయారు అయింది అన్నది
కాకుండా తనకు ఎంత లాభం కావాలో అంతకు ధర నిర్ణయిస్తున్నాడు.దీన్ని నియంత్రించ వలసిన ప్రభుత్వాలు విదిల్చ బడుతున్న
ఎంగిల్లి మెతుకులకు ఆశపడుతూ ఎవరు ఏ తీరుగా రేట్లు నిర్ణయించుకున్నా మాట్లాడకుండా పైగా వాటి పైన మరింత పన్నులు
వేసి ప్రజల కొనుగోలు శక్తి తో పరాచికాలు ఆడుతున్నాయి.
ప్రజాస్వామ్య వ్యవస్తాలో ప్రజల అభిస్టమ్ మేరకు ప్రభుత్వాలు నడుచుకోకుంటే ప్రత్యామ్నాయ ఏర్పాట్లను ప్రజలు చూసుకుంటారు.
ఇవ్వాళ బంధులతో ప్రభుత్వాలల్లో చలనం రాకుంటే ఇంతకంటే మెరుగైన పోరాట రూపాలను ప్రజలు తమ ఆచరణాలద్వారా
ప్రపంచవ్యాప్తంగా జరుగుతున్న పోరాట రూపలల్లోనుండి వెతుక్కుంటారు,పోల్చి చూసుకుంటారు.