అయిదు లక్షల బీమా కాదు -- ఆరోగ్యకరమైన నీరా ప్రవేశ పెట్టాలి !

తెలంగాణ రాష్ట్రం సిద్ధిస్తే అన్నీ సామాజిక వర్గాలకు అన్న పానాదులకు ఆసరా ఉంటుందన్న ఆశతో సబ్బండ వర్ణాల ప్రజలు ఎంతటి వ్యయ ప్రయాసలకైనా ఓర్చుకొని అది మిలియన్ మార్చ్ గానీ, అది సకల జనుల సమ్మె గానీ, అది సాగర హారం గానీ , రాస్తా రోకో గానే రైల్ రోకో గానీ అందరికందరు పాల్గొన్నారు.

  పోలీస్ కిస్టయ్య ఆత్మార్పణ నుండి సమైక్యాంధ్ర ఉద్యోగుల సభలో " జై తెలంగాణ " అని నినదించిన కానిస్టేబుల్ శ్రీనివాస్ గౌడ్ దాకా గౌడ సామాజిక వర్గాల బిడ్డలెందరో తెలంగాణ ఉద్యమం లో పాల్గొన్నారు .

  తెలంగాణ వచ్చింది . ఏడాది గడిచింది. హైద్రాబాద్ లో కల్లు కాంపౌండులు ఖులాయించిండ్రు.సిటీ లో ఉన్న కొద్ది మంది బడా సేట్ల నసీబ్ ఖులాయించింది. రెవెన్యూ పెంచుకోవాలన్న యావలో బడ్డ ప్రభుత్వం ప్రజల ఆరోగ్యాలను గానీ గీతా కార్మికుల బ్రతుకు దెరువు గురించిగానీ పట్టించుకోకుండా గ్రామ గ్రామాన బెల్టు షాపుల పేరుతో ప్రబుత్వమే చట్ట వ్యతిరేకంగా ఆల్కహాలిక్ డ్రింకుల అమ్మకాలకు పాల్పడింది. దీనితో కల్లు అమ్మకాలు పూర్తిగా మందగింప జెసి ప్రభుత్వమే  గీత కార్మికుల మెడలు విరిచింది. ఔషధీయుక్తమై , విటమిన్స్, మినరల్స్   సమ పాళ్ళలో ఉండే కల్లు,నీర స్తానమ్ లో చీప్ లిక్కర్లు తాగి ప్రజలు అనారోగ్యాల పాలవుతున్నారు. ఈ చర్య వారి ఆరోగ్యాలను బొంద బెట్టింది.

  ఇది చాలదన్నట్లుగా ! ఇపుడు కొత్తగా గుడుంబాను అరికట్టే పేరుతో ప్రభుత్వమే తానే సర్కారు సారానో, లేక రూ|| 30/ కి 180 యామ్. ఎల్ . చీప్ లిక్కర్ తో ప్రజల వాకిల్ల ముందర అంగళ్ళు తెరవడానికి ముందుకు వస్తున్నది. ప్రస్తుతం ఉన్న 2216 లైసెన్సుడ్ షాపులు, వేలాది బెల్ట్ షాపులకు తోడు గా మరో 900 లైసెన్సుడ్ షాపులు తెరుస్తుందట. 11 వేల జనాభాకు ఒక లైసెన్సుడ్ షాప్. ఆన్ లైసెన్సుడ్ కు లెక్కే లేదు. ఇపుడు సాలీన 20 వేల కోట్ల రూపాయల ఆదాయపు టార్గెట్ కు తోడు మరో 12 వేల కోట్ల ఆదాయం పొందడానికి ప్రభుత్వం పథకం రచిస్తున్నది. మరో పక్షం రోజుల్లో ఇది అమలు లోకి వచ్చే అవకాశం ఉంది. 

  అంటే ఈ 32 వేల కోట్ల ప్రభుత్వ ఆదాయానికి తోడు బ్రేవరీస్ కంపనీలకు, వైన్ షాప్ ల సేట్లకు , రాజకీయ నాయకులకు, అధికార్లకు మామూల్లు. ఇవన్నీ సమకూరాలంటే ఓ లక్ష కోట్ల రూపాయల అమ్మకాలు జరుగాలి. .తాగుడుకు అలవాటైన వాళ్ళు, తాగుడు ప్యాషన్ అనుకొనే వాళ్ళు విలువైన తమ ఆరోగ్యాలను ఫణంగా  పెట్టి ప్రభుత్వ రెవెన్యూ పెంచే కృషి చేస్తున్నరు.

      ఇది జరుగుతే , 5 లస్ఖల మంది గీత కార్మికులు ఉత్పత్తి జేసిన కల్లు కు మార్కెటింగ్ లేక వాళ్ళు రోడ్డున పడుతారు. బడా పెట్టు బడి దారులైన బ్రేవరీస్ కంపనీలకు , మొలాసిస్ ఉత్పత్తి దారులకు , రెక్టిఫైడ్ స్పిరిట్  ఉత్పత్తి దారులకు మొత్తంగా మార్కెట్ ను ధారా దత్తం జేస్తూ శ్రమ జేసుకొని బతికే గీత కార్మికులకు చేతి లో పని లేకుండా జెసి బడా బాబులకు బంగారు తెలంగాణ సిద్ధింప జేసె కృషిలో ప్రభుత్వం కృతకుత్యమ్ అవుతుంది. 

   ఆ కృషి లో భాగంగానే జూన్ 10 నాడు ఉద్యమాల పితా మహుడైన మన ముఖ్య మంత్రి గారు గీత కార్మికులకు 5 లక్షల రూ|| ప్రమాద భీమా ప్రకటించిండు. ఈ ప్రమాద భీమ గీత కార్మికులకు కొత్తదేమీ గాదు . రాజశేకర్ రెడ్డి ముఖ్య మంత్రి గా ఉన్న కాలం లో గీత కార్మిక కుటుంబ నేపథ్యం కలిగిన అనేక మంది అయితే ప్రత్యామ్నాయ రాజకీయాల వైపు కాకుంటే పార్లమెంటరీ రాజకీయాల వైపు మును ముందుకు వస్తున్నందున తమ రాజకీయాధికారానికి ఎక్కడ ఎసరు వస్తుందో అని భయ పడి వారి ఆర్థిక మూలాలు దెబ్బ దీయడానికి నూతన ఎక్సైజ్ పాలసీ తెచ్చిండు. అందులో భాగంగానే చెట్టు పై నుండి పడి చని పోతే అప్పటి దాకా ఇస్తున్న 50 వేల రూ|| ఎక్స్ గ్రేషియా స్తానమ్ లో 2 లక్షల రూ|| ఇన్సూరెన్స్ పథకం తెచ్చిండు. ఇదేదో గొప్ప పనే అనుకోని సంబుర పడ్డారు.కానీ ఆ వచ్చే 50 వేలూ రాక ఇచ్చే డబ్బులు ఇవ్వకుండా ఇన్సూరెన్స్ వాళ్ళు  కొర్రీలు వేసి నస్ట పరిహారం ఇవ్వక పోగా ప్రభుత్వం నుండి లక్షలాది రూ|| ల ప్ర్రెమియమ్ ను పొందినారు. గీత కార్మికుల నోళ్ళు కొట్టి ఇన్సూరెన్స్ వాల్ల జేబులు నింపే పనే ఈ ఇన్సూరెన్స్ అని గీత కార్మికులు గ్రహించి ఉద్యమాల ద్వారా తిరిగి ఎక్స్ గ్రేషియా 2 లక్షలు సాధించుకున్నరు.

   గీత వృత్తిని పాతాళానికి తోక్కే కొత్త ఎక్సజ్ పాలసీ రేపటి నెల నుండి రానున్నందున దాన్నుండి గీత కార్మికుల దృష్టి మరల్చే కొరకు ఈ రూ|| 5 లక్షల. ప్రమాద  బీమా పథకం ప్రకటన అని గీత కార్మికులు గమనించాలి. 5 లక్షల ప్రమాద బీమా కావాలనుకుంటే మోదీ సర్కార్ ప్రవేశ పెట్టిన బీమా యోజన లో సాలీన రూ|| 342. కడితే ఎవరికైనా రూ|| 5 లక్షల ప్రమాద కవరేజి వర్తిస్తుంది. 

   ప్రభుత్వ లెక్కల ప్రకారం రాష్ట్రం లో 2 లక్షల మంది గీత కార్మికులు ఉన్నారు. ఇందులో రిజిస్టర్డ్ సొసైటీ లో సభ్యులైన వారికే ఈ సౌకర్యం వర్తిస్తుందట. అంటే అట్టి వారు ఓ లక్ష మంది కంటే మించక పోవచ్చు. ప్రతి సభ్యునికి సాలీన 342 రూ|| ల చొప్పున 3 కోట్ల 42 లక్షల ఇన్సూరెన్స్ కంపనీలకు అప్పనంగా అప్పజెపితే ఇక రేపటి నుండి చనిపోయిన , లేదా అంగవికలురైన గీత కార్మిక కుటుంబ సభ్యులు చెట్టు పై నుండి పడి దవాఖానలో శరీఖ్ అయ్యింది మొదలు ఇన్సూరెన్స్ డబ్బులు వచ్చే దాకా ఇన్సూరెన్స్ కంపనీల చుట్టూ పోలీస్ స్టేషన్ల చుట్టూ కాళ్లరిగేలా తిరుగుతూ ఇన్సూరెన్స్ డబ్బులు పొంద  లేక  ఇప్పుడు వచ్చే రూ|| 2 లక్షలు, 50 వేలు, 25 వేలు, సైతం రాక బికార్ల వలె బిచ్చం ఎత్తుకొనే దరిద్రపు పరిస్తితిని కల్పించ బోతున్న ప్రభుత్వ విధానాన్ని నిరసిస్తూ ఈ వృత్తి వద్దూ ఈ పడుడు వద్దూ  ఈ చచ్చుడు వద్దూ కాళ్ళు చేతులు , నడుమూ వెన్నుపూస విరుగ గొట్టుకొని చచ్చే దాకా జీవ చ్ఛవం  వలె మంచం లో పడి ఉండుడు వద్దూ , ఈ మోకు వద్దూ, ఏ ముత్తాదు వద్దూ మొత్తంగా ఈ వృత్తే వద్దని ఏ ఆటో రిక్షా డ్రైవర్ గానో  , అడ్డ కూలీగానో మారే దురవస్త వైపు ప్రభుత్వ విధానాలు నెట్టి వేస్తున్నాయి.

  ఈ విధానాలే కొనసాగితే ఎవరికి లాభమో ? ఎవరికి నస్టమో ? ఆలోచిస్తే ! ఆల్కహాలిక్ డ్రింకులు తయారు జేసె బ్రేవరీస్ కంపనీలకు, డిస్ట్రిబూటర్లకు, వైన్ షాప్ ల యజమానులకు ,కూల్ డ్రింక్స్ తయారు జేస్తున్న మల్టీ నేషనల్ కంపనీలకు, అమ్మకం దారులకు, వీటి నుండి ఆదాయం, మామూల్లు పొందే రాజకీయ నాయకులకు, వీటన్నింటినీ కంట్రోల్ జేసె ప్రభుత్వ ఉద్యోగులకు లాభం. వీరెవ్వరు గూడా రెక్కలు దప్ప మరే ఆస్తి పాస్తులు లేని వారు గారు. వీరెవ్వరు గూడ దినం శ్రమను నమ్ము కొని జీవించే వారు గాదు.

   

   ఆరోగ్యకరమైన , ప్రకృతి సహజ సిద్దమైన , అన్ని సందర్భాలలో నిరభ్యంతరంగా, నిరపాయకరంగా, కుటుంబ సభ్యులంతా సేవించ దగ్గ మినరల్స్, విటమిన్స్, సమ పాళ్ళలో ఉన్న నీర మరియు కల్లు కాను మరుగైతే సామాన్య ప్రజల ఆరోగ్యాలకు నస్టమ్ . గీత వృత్తి పోవడం తో ఆ వృత్తి దారులు ఇతర వృత్తుల వైపు వెళ్ళడం వలన శ్రమ జీవుల నిరుద్యోగ రిజర్వ్ ఫోర్స్ పెరిగి శ్రామికుల నిజ వేతనాలు పడిపోతాయి. కనుక శ్రామిక వర్గాలకు ఎనలేని నస్టమ్ జరుగుతుంది.

  ఇంతెందుకు గొప్ప గొప్ప ఆదర్శాలు వల్లిస్తున్న ఈ ప్రభుత్వం ప్రజల ఆరోగ్యాలను, గీత కార్మికుల ఉపాధి అవకాశాలను దృష్టిలో పెట్టుకొని గుజరాత్ ప్రభుత్వం వలె నీర ను మినహాయించి సంపూర్ణ మద్య పాన నిషేదం ఎందుకు విధించరని ప్రజలు నిలదీయాల్సిన అవసరం ఉంది.

    రాష్ట్రం లో హరిత హారం మరియు మిషన్ కాకతీయ లో భాగంగా 48 లక్షల ఈత మొక్కలు నాట బోతున్నట్లు  గొప్పగా చెబుతున్నారు. కనుక ఆ చెట్ల నుండి వచ్చే పానీయానికి కాంబోడియా దేశం లో వలె ఒక పరిశ్రమ స్తాయికి తీసుకొని వస్తే లక్షలాది మందికి చక్కని ఉపాధి లభిస్తుంది. ప్రజలకు పురుగుమందు కలిసిన కూల్ డ్రింక్స్ త్రాగే బెడద తప్పుతుంది.వారికి ఆరోగ్యం చేకూరుతుంది. అంటే గాకుండా సమాజానికి ఉపయోగపడే ఆరోగ్యకరమైన పానీయాన్ని తమ ప్రాణాలు ఫణమొడ్డి చెట్టుపై నుండి దించి తెస్తున్న గీత కార్మికులు ప్రామాదాల బారిన పడినపుడు వారి కుటుంబాలను ఆడుకోవాల్సిన బాధ్యత మొత్తం సమాజానికి బాధ్యత వహిస్తున్న ప్రభుత్వాలదే. కనుక చెట్టు పై నుండి పది చని పోతే 10 లక్షలు, అంగ వికలురు అయితే 5 లక్షల ఎక్స్ గ్రేషియా తక్షణమే చెల్లించే ఏర్పారు ఉండాలి. కల్తీకి తావు లేని విధంగా చెట్టు వద్దనే అది నీరా ఐనా కల్లు అయినా సేకరించి ప్రాసెసింగ్, చిల్లింగ్ , మార్కెటింగ్ కై విధాన రూప కల్పన జరుగాలి. దేనిపై శాష్ట్రీయ పరిశోధన నిరంతరం జరిగి ప్రజల ఉపాధి, ప్రజల ఆరోగ్యాల పరిరక్షణ ధ్యేయంగా ప్రభుత్వ పథకాలు కొనసాగాలి . అంతే గాని  ప్రజల ఆరోగ్యాలకు ఉపాధి అవకాశాలకు విఘాతం కలిగించే చర్యలను సామాన్య ప్రజలెప్పుడు స్వాగతించరు.

     వీరగొని పెంటయ్య గౌడ్,

         అధ్యక్షులు,

 సర్వాయి పాపన్న గీత కార్మిక  సంఘం.

child labor !

 అది 2002 జూన్ మాసం.తొలకరి వానలు పలకరించినయి. ప్రబుత్వ పాఠశాలలు ప్రారంభానికి ముందు సర్కారు జేసె జిమిక్కులో భాగంగా బడి పండుగ అని అధికారులు ఆగమ్ ఆగమ్ చేస్తున్నరు . ఆనాటి జిల్లా కలెక్టర్ కు అత్యంత ప్రాధాన్యత అంశం పిల్లల చదువులు .ఆమె గోదావరిఖని వెళ్తున్నప్పుడు ధర్మారం ఎక్స్ రోడ్ వద్ద ఒక పిల్ల వాడు బడికి పోకుండా సోడా బండి  వద్ద పనిజేస్తున్న విషయం గమనించి వెంటనే పెద్దపల్లి ఆర్ డి వో గారికి సమాచారం ఇచ్చిందట. వెంటనే విషయం మాకు చెరింది . ధర్మారం ఎక్స్ రోడ్ వద్దకు చేరుకొనే సరికి దాదాపు ఒక కిలోమీటర్ మేర దట్టమైన రాతి దుమ్ము ఆవరించి ఉంది. ఒక నాడు ఎత్తైన గుట్టలు ఇప్పుడు కొంచెం కొంచెం కోరుక్కు తిన్నట్టు చాలా వరకు అదృశ్యం అయినయి.అంతకంటే  కొద్ది రోజులకు
ముందే క్వారీ బ్లాస్టింగు లో ఒక కార్మికుడు మరో బాల కార్మికుడు చని   పోయినారు.

  వెళ్ళే టప్పుడు పెద్దపల్లి అసిస్టెంట్ లేబర్ ఆఫీసర్ ను  కూడా వెంట తీసుకొని వెళ్ళడం జరిగింది. సోడా బండి వద్ద ఒక పిల్లవాడు సోడాలు కొట్టి ఇస్తున్నాడు. బండి యజమాని డబ్బులు తీసుకుంటున్నాడు.లేబర్ ఆఫీసర్ బండి యజమాని వద్దకు వెళ్ళి తన పరిచయం చేసుకొని పిల్ల వాణ్ని పనిలో పెట్టుకోవడం నేరం . నీవు నేరస్తునివి స్టేషన్ కు నడువ్ అని గద్దరాయించిండు .

      ఆయన దండం దాశన పెడుతూ " అయ్యా ఈ పొల్లగాని అమ్మమ్మ ఒక్క తీరుగా బతిమిలాడితే కాదన లేక ఎంతో కొంత డబ్బులిస్తే నాకింత ఆసరా అయితడని వాల్ల అక్కెర తీర్తదని పనికి రమ్మన్న గాని , ఈ పొల్లగాడు లేకపోయినా నాకు ఇబ్బంది లేదు. గీ సోడా బండి మీద వెయిలు సంపాయిత్తనా సార్. నీ  దండం బెడుత నన్ను విడిచి పెట్టుమని "కాళ్లా వెల్లా బతిమిలాడిండు . మా టార్గెట్ కూడా పిల్లవాన్ని బడిలో చేర్చడమే గాని బండి యజమాని పైన కేసు చేయడం కాదు కనుక పిల్లవాన్ని పట్టుకొని జీపు ఎక్కించే ప్రయత్నం చేస్తున్నం . వాడు బాగా ఏడుస్తున్నడు , ఈ కొత్త వాళ్ళు తనను ఎక్కడికి తీసుక పొతారో అన్న భయం తో ఏడుస్తున్నాడనుకొని మేము తనకు హాని చేయమనీ కొత్త పుస్తకాలు బట్టలు ఇచ్చి బడిలో చేర్పిస్తామని ఉండడానికి హాస్టలు సౌకర్యం ఏర్పాటు చేస్తామని బుజ్జగిస్తూ చెప్తున్నం . కానీ అసలు వినడం లేదు . జీపు ఎక్క నంటే ఎక్క అంటూ గింజుకుంటున్నడు.నేను బతిమిలాడు తున్న , ఇంతల మా సహాయకులు పిల్ల వాన్ని బలవంతంగా జీపులో ఎక్కించిండ్రు . జీపు పెద్దపల్లి వైపు బయల్దేరింది. పిల్లలు అట్లాగే భయపడి మారాం చేస్తారు సార్ , అక్కడ హాస్టల్ లో ఉన్న పిల్లలను చూసిన తర్వాత సంతోష పడి ఉండి పోతారు మీరు ఫికర్ చేయకండి అంటూ మా సహాయకులు చెప్పడం తో మేము సరే లెమ్మని . జిల్లా కలెక్టర్ కమిట్మెంట్ గురించి మాట్లాడుకుంటున్నం.మేము ఆఫీస్ వద్ద దిగి పోయినమ్ . జీప్ పిల్లవాన్ని తీసుకొని హాస్టల్ కు వెళ్ళి పోయింది.

    సాయంత్రం ఆఫీస్ పని అయిపోయిన తర్వాత పిల్లవాడు అడ్జస్ట్ అయినాడా లేదా అని తెల్సుకోవడానికి హాస్టల్ కు వెళ్ళిన. వార్డన్ ఎదురుగా వచ్చి" మధ్యాహ్నం మీరు పంపిన అబ్బాయి
ఇంత వరదాకా ఏడుపు ఆపలేదు, అన్నం తిన లేదు ఎక్కెక్కి పడుతూ ఏదో యాదికి జేసుకుంటూ యాదికి జేసుకుంటూ ఏడుస్తూనే ఉన్నడు సార్ " అని చెప్పిండు.
    నేను అంధోలనగా పిల్లవాని దగ్గరకు పోయి దగ్గరకు తీసుకొని అనునయిస్తూ భుజం మీద చేయి వేయంగానే నా చేతిని విసురుగా తీసి వేసిండు. నేను చెప్పేది వినకుండా బిగ్గరగా ఏడుస్తున్నడు." అరె ! చిన్న నువ్వు ఏడువకు ఇక్కడ ఉండకుంటే మానాయే , ఇప్పుడే నిన్ను నేను మీ ఇంటి వద్ద దించి వస్తా . కానీ ఇక్కడ నీకు మంచిగ లేదా? అక్కడనే మంచిగ
ఉన్నదా" అంటే చప్పుడు చేయడు.
  బతిమాలంగా బతిమాలంగా నోరు విప్పిండు. తన పేరు రాజు అనీ తనకు ఆరు నెలల వయసున్న చిన్న చెల్లెలు , ముసలి అమ్మమ్మ ఉన్నారని చెప్పిండు.
  వాళ్ళను విడిచి పెట్టి వాల్ల నాన్న ఎటో వెళ్లిపోతే అమ్మమ్మ దగ్గర ఉంటున్నారట. ఈ మధ్యన్నే అమ్మ చనిపోయిందట. మరి మీకు రోజూ అన్నం ఎట్లా అని అడిగిన.
 " నేను రోజూ ఏదో ఒక పని చేస్త . ఆ పైసల తోటి మా చెల్లే కు మా అమ్మమ్మ పాలు కొనుక్క వచ్చి పోస్తాది . పాచి పని చేసి రాంగ అమ్మమ్మ అడుక్క వచ్చే బువ్వ తింటం " అన్నాడు.
 కడుపు తరుక్క పోయింది
  ఆఖరుకు వాడు చెప్పిన మాటకు నా కండ్ల వెంట నీళ్ళు వచ్చినయి...
  " సారూ ! మా చెల్లే ఏడుత్తాంది గావచ్చు పొద్దటి సంది దానికి పాలు లెవ్వు .సోడా బండి సేటు పైసలిచ్చినంక కొనుక్క పోతననుకున్న. అందుకనే నాకు ఏడుపు ఆగుతలేదు " అన్నాడు.
  చ! మేము ఏమి జేసీనం . వాని బతుకు బాగు జేయ బోయినట్లా !  ఆ పసి పాప ప్రాణం దీయ బోయి నట్లా అర్థం గాలేదు.

  వెంటనే డ్రైవర్ ను పిల్చి ఒక పాల పాకెట్ తెప్పించి ఆ పిల్ల వాన్ని జీపులో ఎక్కించుకొని ధర్మారం ఎక్స్ రోడ్ వద్ద ఉన్న వాల్ల గుడిసె కు పోయినమ్. పిల్ల ఘోరంగా ఏడ్చి ఏడ్చి ఎప్పుడో సొమ్మ సిల్లి పోతే అమ్మలక్కలు వచ్చి పాలు పట్టినారట . మమ్ముల జూసిన ఆడవాళ్ళు ఒక్క సారిగా మా పైకి గయ్యి మని లేచిండ్రు. సిగ్గు తో చచ్చి పోయినమ్.
  పదమూడు ఏండ్ల తర్వాత నిన్న కరీంనగర్ సర్కస్ గ్రౌండ్ లో 29 మంది బాల కార్మికులను గుర్తించినట్లు వార్త వస్తే ! జ్ఞాపకాల పాతర తెరుచుకున్నది. పేదల ఆర్టిక స్తితి గతుల్లో మార్పు తేకుండా బాల కార్మికులు అని వాళ్ళను పట్టి తెస్తే సమస్య పరిస్కారం కాలేక పోతున్నది.

పెంటయ్య వీరగొని.
విశ్రాంత విద్యా పర్యవేక్షణాధికారి .
కరీంనగర్

రీంనగర్ జిల్లాలో గ్రానైట్ పరిశ్రమ ఇబ్బందుల్లో ఉన్నదని చదివిన తర్వాత ఆ జిల్లా వాసిగా నా అనుభవం రాస్తున్నాను. ఒక 30 సంవస్తారాల కింద కరీంనగర్ జిల్లా లో గ్రానైట్ క్వారీలు అసలు లేకుందేటివి. ఆనాడు ప్రజలు ఈ గుట్టల పొంటి ఉన్న పచ్చిక మైదానాలల్లో గొర్రెలను మేపుకొని, ఆవులను,బర్రెలను మోపుకొని జీవిస్తూ ఉండే వారు. గుట్ట వెంట ఉన్న పేద వారైనగ్రామస్తులు కట్టెలు కొట్టుకొని పట్టణాల్లో అమ్మేవాళ్లు. మోదుగ ఆకులు తునికి ఆకులు సేకరించి విస్తర్లకు బీడీ లకు వాడేవాళ్లు. గుట్ట మొదళ్ళలో ఉండే ఇప్ప చెట్ల నుండి ఇప్ప పువ్వు. ఇప్ప పరుక సేకరించి అమ్ముకొని జీవించే వాళ్ళు. సీతా ఫలాలు ఓగు కాయలు బలుసు పండ్లు తవిశి బంక సేకరించి అమ్ముకొని జీవించే వాళ్ళు. గుట్ట ప్రారంభం లో ఉండే మైదానాలల్లో తాటి ఈత వనాల ను ఆసరా జేసుకొని గీతా వృత్తుల వాళ్ళు, చాపలు , బుట్టలు అల్లుకొనిజీవించే వాళ్ళకు   బ్రతుకు దెరువు ఉండేది. గుట్ట బందలకు పెట్టిన తేనె తెరల నుండి తేనె సేకరించి జీవించే వాళ్ళు.  ఇంత మందికి గుట్టలు ఆధారమై ఉండేవి. అంతే గాదు ఎన్నో వందల ఏళ్ల నుండి ఈ జీవన చక్రం ఆగి పోకుండా సాగుతున్నది.ఇంకా ఎన్ని వేల ఏండ్లయిన అరిగి పోనీ తరిగి పోనీ ఈ విధానం ఎలాగే కోన సాగే అవకాశం ఉంటుంది. గుట్ట మొదళ్ళలో ఉండే బావులల్లో నీళ్ళు పుష్కలంగా ఉండేటివి. వాటితో వ్యవసాయం నడిచేది. పది మందికి అన్నం దొరికేది, గుట్టల సమీపం లో వర్షాలు కూడా బాగా పదేవి. 

  ఇక పోతే గుట్టలను ఆసరా జేసుకొని కోతులు గుడ్డెలుగులు  జింకలు.నెమల్లు. .గడ్డలు గబ్బిలాలు. కొండ చిలువలు జీవిక్నేటివి. ఇదంతా ఒక జీవావరణ వలయం .

   గ్రానైట్ క్వారీలు వచ్చిన తర్వాత జీవ వైవిధ్యం విధ్వంసం అయింది. గుడ్డెలుగులు కోతులు కొండ చిలువలు గ్రామాలల్లో చేరినయి. పంటల దిగుబడి తగ్గింది. పంట పొలాల వైశాల్యం తగ్గింది. గ్రానైట్ ద్వారా ఏటా 200 కోట్ల రాయల్టీ ప్రభుత్వానికి వస్తున్నదట. కానీ 500 కోట్ల విలువగలిగిన రోడ్లు ధ్వంసం అయితున్నాయి . విలువ తెలియదు గాని మానేరు పై ఉన్న వంతెన పాడై పోయింది. .గ్రానైట్ క్వారీల వలన ఈ గుట్టలన్నీ అంతరించిన తర్వాత మళ్ళీ గుట్టలు మొలువవు కదా అప్పుడు ఇక్కడ జీవించే ప్రజలకు జీవనోపాధి ఉండదు. ఇక్కడ చూడ వాల్సింది పెట్టుబడి దారులకు ప్రకృతి సంపద అప్పనంగా దోచి పెట్టడానికి ప్రభుత్వాలు ఆలోచించడం గాడు స్టానికంగా జెవ్విస్తున్న ప్రజల బ్రతుకు దెరువు ఎట్లా అన్నదే ప్రధానం. గ్రానైట్ క్వారీలు రాక ముందు ఇక్కడి ప్రజలు జీవించి నారు. గ్రానైట్ క్వారీల వలన గుట్టలు అంతరించి పోయినాంక ఇక్కడి ప్రజలు ఎలా బతుకాలో ప్రభుత్వం, ఆలోచనా పరులంతా ఆలోచించాల్సిన విషయం.

  వీరగొని పెంటయ్య. విశ్రాంత విద్యా పర్యవేక్షణాధికారి.

There wont be any mountains !

 రక్షణకు గుట్టలుండయి!

        గాలి నీరు ఆకాశ మేఘమా
        జాడ జెప్పరమ్మా గుట్టల జాడ జెప్పరమ్మా!

                              కాల గమనమున కరిగిన లోహపు
                              కంద గడ్డలమ్మా గుట్టలు పుడమి బిడ్డలమ్మా !

        పుట్టుకన్నదే లేకముందు
        ఈ గుట్టలు బుట్టినయీ  ప్రాణికి పుట్టుక నిచ్చినయీ !

                            తిండి లేక జీవ జంతు జాలము
                            తల్లడిల్లినపుడు గుట్టలే ఆదుకున్నాయపుడు !

         చెట్టు చేమలూ పెరిగేతందుకు
         మట్టిగ మారినయీ గుట్టలు పగిలి చిట్లిపోయీ !

                              ఆకలికన్నం అయ్యే చెట్లను
                             కడుపుల పెంచినయీ మనుషుల కథ నిలిపుంచుటకూ !

         దిస మొలతో ఆదవ్వ తాతలు
         దిగాలు పడినపుడు గుట్టలు నార చీరలిచ్చే !

                                వానకు  చలికి  వేడి తాకిడికి
                                వెతలు చెందినపుడు గుట్టలు దొనల దాచినాయి !

          బండ బండ రాపాడి కొండలో
          నిప్పు బుట్టె మొదట వెలుగుల జాడ జెప్పే గుట్ట !

                                  గిరుల దొరలిన గుండ్రటి రాల్లే
                                  బండి చక్రమయ్యే బతుకుల గతులు మార్చే గుట్టా !

           భీకర ప్రకృతి విలయం దెబ్బకు
          బిక్క జచ్చినపుడు మొక్కే బొమ్మ జెక్కనిచ్చే

                                  బొడ్రాయి నుండి భోలా శంకర్
                                  దేవుడెవ్వరైనా గుట్టల దేహ ఖండమేగా !

         బల్లాలు గోడ్డండ్లు గదలకు
         బతుకు నిచ్చే గుట్టా మనిషిని సాయుధునిగ జేసె !

                                 గుడులు చెక్కినా కోటలు గట్టిన
                                 గుట్ట బండే దిక్కై మనిషికి రక్షగ నిలిచింది !

        ఇన్ని జేసినా ఇమాన మెరుగని
        తేలు సంతతోల్లు కొండల తెగ నరికెస్తుండ్రు !

                                   వాగు వంకలకు పుట్టినిల్లు
                                    ఆ చెట్టు గుట్టలేగా అవి లేక చెరువు లెటుల !

           వానలుండకా చెరువు నిండకా
          పాడి పంట లెటుల ప్రజలకు బతుకు దెరువే కరువు !

                                పక్షులు పాములు ఎలుగులు కోతులు
                                యెగబడి తరుముతయీ గప్పుడు దిగబడి ఉరుకుతరు !

            కానీ ! గుట్ట లుండ వెచటా వారికి రక్షగ నిలుచుటకూ !

                వీరగొని పెంటయ్య , విశ్రాంత విద్యా పర్యవేక్షణాధికారి 

The Gouds living in Agency area must be given S.T. Certificates!

రాజ్యాంగం రాసుకున్న నాటి కంటే ముందే నాగరిక సమాజాలు  అడవుల్లో గుట్ట చెట్టును నమ్ముకొని జీవిస్తున్న ప్రజలను దృష్టిలో పెట్టుకొని క్రీ|| శ || 1917 నాటి నుండే ఆ ప్రజల కొరకు షెడ్యూల్డ  ట్రైబ్ అనే మాటను ఉపయోగించి నట్లు మనకు ఆధారాలు ఉన్నాయి. షెడ్యూల్ ట్రైబ్ అంటే చాలా స్పస్టంగా ఒక్కొక్క కులం, వృత్తి ని పేర్కొవడం జరిగింది. అట్లా పేర్కొన్న వాటిలో కళ్ళు గీత వృత్తిగా జీవిస్తున్న గౌడ్ లను కూడా షెడ్యూల్ ట్రైబ్ గా పేర్కొనడం జరిగింది. డా|| భీమ్ రావ్ రాంజీ అంబేడ్కర్ అధ్యక్షులు గా ఏర్పడ్డ భారత రాజ్యాంగ కమిటీ  26 నవంబర్ 1949 న ఆడాప్ట్ చేయబడి 26 జనవరి 1950 లో అమలు లోకి వచ్చింది. 25 భాగాలు కలిగిన భారత రాజ్యాంగం లో మొత్తం 448 ఆర్టికల్లు ఉంటే అందులో 7 వ ఆర్టికల్ లో చాలా స్పస్టంగా . ఏజెన్సీ ఏరియాలో నివసిస్తున్న గౌడ్ లు షెడ్యూల్ ట్రైబ్ కు చెందుతారని చెప్పబడింది. 1956 విశాలాంధ్ర ఏర్పడ్డప్పుడు అదే 7 వ ఆర్టికల్ లో ఏజెన్సీ ఏరియా లో నివసిస్తున్న గౌడ్ లను షెడ్యూల్ ట్రైబ్ లని అన్నారు. నిన్నటికి నిన్న ఆంధ్ర ప్రదేశ్ పునర్విభజన బిల్లు. 2014  లో సైతం అక్షరం పొల్లుబోకుండా అదే 7 వ ఆర్టికల్ అలాగే చెప్పబడింది. కానీ సీమాంధ్ర పాలన లో అయితే ఎట్లాగైతే ఎస్టీ సర్టిఫికెట్లు ఇవ్వకుండా గౌడ బిడ్డలకు చదువుకొనే సౌకర్యం అందకుండా జెసి ఉద్యోగాలలో అవకాశం లేకుండా జేశారో తెలంగాణ ప్రభుత్వం వచ్చిన తర్వాత కూడా పరిస్తితిలో ఏమీ మార్పు కనిపించడం లేదు.వాస్తవానికి ఖమ్మం,వరంగల్, ఆదిలా బాద్ జిల్లాలల్లోని ఏజెన్సీ ఏరియా లల్లో నివశిస్తున్న గౌడ్ లందరికి ఎస్టీ సర్టిఫికట్ ఇవ్వాల్సి ఉంది. ఇక్కడ లేనిదేదో ఇవ్వాలని గౌడులు గొంతెమ్మ కోర్కెలను కోరడం లేదు. రాజ్యాంగం లో ఉన్న దాన్నే కొందరు అవగాహన లేని అధికారుల మూలంగా జరిగిన పొరబాటును సరిదిద్దాలని మాత్రమే గౌడులు డిమాండ్ జేస్తున్నారు. 

  అందుకు నాంది గా ఖమ్మం జిల్లాలో కొందరు చదువుకున్న యువకులు విద్యార్థులు ఏకమై ఉద్యమం ప్రారంభించారు. ములుకల పెళ్లి మండలం లో కార్తీక వనభోజనాలల్లో కార్య రూపం దాల్చి, 10 డిసెంబర్ నాటికి అశ్వరావ్ పేట లో ఉద్యమ రూపం తీసుకున్నది. ప్రసాద్, శ్రీనివాస్, వెంకటేశ్వర్ రావు ,లాంటి యువకులు గౌడుల ఇంటింటికి దిరిగి మోటివేట్ చేసినారు. ఖర్చులకు కూడా ప్రజలు డబ్బులు ఇస్తూ వేలాదిగా పిల్లలు, మహిళలు వృద్ధులు కదులుతున్న విధానం గమనించినపుడు వారు ఇంతవరదాక కోల్పోయినది ఏమిటో వారికి అర్థం అయినట్లు ఉంది.

    వీరి ఉద్యమానికి సంఘీభావం దెలుపడానికి సర్వాయి పాపన్న గీత కార్మిక సంఘం రాష్ట్ర అధ్యక్షులు వీరగొని పెంటయ్య గౌడ్ , రాష్ట్ర ప్రధాన కార్యదర్శి సింగం సత్తెయ్య గౌడ్ గారాలు అక్కడ ముల్కల పెళ్ళిలో మరియు అశ్వరావ్ పేట లో కూడా హాజరయ్యి వేలాదిగా తరలి వచ్చిన గౌడ బిడ్డలకు  బాసట గా నిలిచినారు. సర్వాయి పాపన్న ఫౌండేషన్ చేర్మన్ పంజాల జైహింద్ గౌడ్ సైతం రెండు సమావేశాలల్లో పాల్గొని ఉత్తేజకరమైన ఉపన్యాసాలతో వారిని ఉద్యమం వైపు సాగడానికి అవసరమైన విశ్వాసాన్ని కలిగించినారు. సర్వాయి పాపన్న గీత కార్మిక సంఘం సెక్రటరీ జెనరల్ గణగొని సత్యనారాయణ గౌడ్ ముల్కల పెళ్ళిలో పాల్గొని సర్వాయి పాపన్న వారసులమై పోరుజేయాలని సూచించినారు. ఖమ్మం లో 26 మండలాలు ఏజెన్సీ ఏరియా గా నిర్ధారించ బడినాయి. కనుక అక్కడ నివసిస్తున్న గౌడ్ లకు ఎస్టీ సర్టిఫికట్స్ ఎప్పటినుండో ఇవ్వాల్సి ఉండే.  అలా ఇవ్వకపోవడం వలన ఈ 65 సంవస్తరాల కాలం లో పది సంవస్త రాలకు ఒక తరం చొప్పున ఆరున్నర తరాలు తమ విద్య, ఉద్యోగ అవకాశాలను కోల్పోవడం వలన ఎంతటి ఆర్థిక, సామాజిక నస్టమ్ జరిగిందో అంచనాకు సైతం అందని విషయం.ఒక ఉదాహరణ చూద్దాం! భారత భూభాగం లో ఎవ్వరైన ఏ వృత్తి అయినా చేసుకొని జీవించ వచ్చు అన్న హక్కును రాజ్యాంగం భారత ప్రజలకు ధకలు పరిచింది. వ్యాపారాలు చేసుకొనే వారు చేసుకుంటున్నారు. కమ్మరి, కుమ్మరిమ్ వడ్రంగి, చాకలి,మంగలి నేత వృత్తుల వాళ్ళు నిర్ణిబంధంగా ఎవరి వృత్తులు వాళ్ళు చేసుకుంటున్నరు . కానీ విచిత్రంగా ఒక కల్లు గీసుకొనే  గౌడ వృత్తి మాత్రం  గౌడులు చేయ గూడదు అని ఒక రాజకీయ పార్టీ శాసన సబ్యుడు చట్టం చేయించి తెస్తాడు. కానీ ఇదే చట్ట సభల్లో గౌడ బిడ్డలై పుట్టిన అనేక మంది సభ్యులు ఉంటారు, కానీ తమ తోటి సహోదరులకు జరుగుతున్న అన్యాయాన్ని పట్టించుకోరు.ఇదీ మనలోని ఐక మత్యానికి ఒక మచ్చు తునుక. అలా చట్టం తేవడం వలన 26 మండలాలల్లోని వందలాది గీత కార్మిక సొసైటీలకు మనుగడ లేకుండా పోయింది. వీలాది మంది గీత కార్మికులు పొట్ట చేత బట్టుకొని రోడ్డున పడ్డారు. పడి లేచిన ఆ బిడ్డలే ఇక ఎవ్వరినీ నమ్మక తమ బతుకులు తామే బాగు జేసుకొనడానికి ఉద్యమ జెండా భుజాన బెట్టుకొని లాంగ్ మార్చ్ కు బయల్దేరినారు.

          తమకు జరిగిన జరుగుతున్న నస్టాన్ని నివారించడానికి ప్రస్తుత ప్రభుత్వామైనా వెంటనే స్పందించాలని ప్రజలతో బాటుగా సర్వాయి పాపన్న గీత కార్మిక సంఘం సైతం బలంగా డిమాండ్ జేస్తున్నది. ప్రభుత్వం తక్షణం స్పందించని పక్షం లో ముందుగా క్షమ్మం జిల్లా కేంద్రం లో 10 వేల మందితో ప్రదర్శన నిర్వహ్స్తామని, అప్పటికి ప్రభుత్వం స్పందించని యెడల రాష్ట్ర రాజధాని హైద్రాబాదు లో ఒక లక్ష మండి తో సెక్రటేరియట్ ను ముట్టడిస్తామని ప్రబుత్వాని హెచ్చరిస్తున్నాము అని అశ్వరావ్ పేట పురవీధుల గుండా జరిగిన ఊరేగింపులో ప్రజాల్తో బాటు సర్వాయి పాపన్న సంఘం సైతం నినాదాలు చేయడం జరిగింది.

వీరగొని పెంటయ్య.

అధ్యక్షులు 

సర్వాయి పాపన్న గీత కార్మిక సంఘం.

రాజ్యాధికారం ఎందుకోసం?

చాలా కాలం నుండి  అన్ని తరగతులకు చెందిన శ్రేణులు తమకు రాజ్యాధికారం కావాలని నినదిస్తున్నాయి..కొందరు దళిత బహుజనుల నినాదం తీసుకొంటే మరికొందరు బీసీ నినాదం తీసుకొంటున్నారు..ఇంకా మరికొందరు ప్రాంతీయ వాదం లేవనెత్తుతున్నారు.అసలు రాజ్యాధికారం అంటే ఏమిటి? ఒక ఎమ్మెల్లే సీటో , ఒక ముఖ్య మంత్రి పదవో వస్తే రాజ్యాధికారం వచ్చినట్లేనా? ఇంత వరదాకా దళితులు, బీసీలు ఎంత మంది ఎమ్మెల్లెలు కాలేదు, ఎంతమంది దళితులు ఎంత మంది బీసెలు ముఖ్య మంత్రులు కాలేదు? మరి వాళ్ళ వలన ఈ దళిత, బీసీ , ఎస్టీల సమస్యలు ఎందుకు పరిస్కారం కాలేక పోయినాయి? 

     

   అట్లా అడిగితే , ఇంత వరదాకా ఆయా పదవుల్లోకీ వచ్చిన వారు ఏదో ఒక రాజకీయ పార్టీ తరఫున గెలిచి వచ్చినారు, కనుక ఆ రాజకీయ పార్టీ సిద్దాంతం మేరకు పనిజేసినారే కానీ దళిత బహుజనుల కోసం పని చేయలేదు , చేద్దామన్నా ఆ పార్టీ వాళ్ళు ఒప్పుకోరు కనుక ఏమీ చేయలేక పోయినారు , కావున ఇప్పుడు మేము ఆ నినాదం తోటి వస్తున్నాము, కావున దళిత బీసీ ఓటర్లు మాకే ఓటు వేసి గెలిపించాలి అన్నది వారి వాదన. సరే వాళ్ళు అన్నట్లు గానే ఓటర్లు అట్లానే ఆలోచిస్తారని కాసేపటి కోసం అనుకుందాం. మరి వీళ్ళ పార్టీ ఏమిటి? వీళ్ళ మానిఫెస్టో ఏమిటి? ఇంత వరదాకా ఈ వాదం తో ఉన్న ఏకైక పార్టీ బీఎస్పీ. మరి దాని ఆచరణ యూపీ లో ఎట్లా విఫలమైందో చూసినాము.అవకాశం వచ్చినప్పుడు అగ్రకుల రాజకీయ నాయకుల కంటే ఏమీ తీసిపోని విధంగా పాలన చేసి మళ్ళీ అదే సిద్దాంతం పైన మాకు అధికారం కట్టబెట్టండి అంటే ప్రజలు నమ్మరు కదా?

     స్వంత సైన్యం లేకుండా రాజ్యాధికారం అనేది ఉండదు. స్వంత సైన్యం మన రాజ్యాంగం ప్రకారం కేంద్ర లో అధికారం లోకి వస్తే తప్ప సాధ్యం కాదు. సరే కేంద్రం లో కూడా అధికారం లోకి ఇట్లా వాదించే వాళ్ళు ఏదో ఒకనాడు వస్తారనే అనుకుందాం. అప్పుడు అమెరికా అనుమతి లేకుండా ఇక్కడి ప్రభుత్వాలు ఎవరి ఆస్తులు ఎవరికి పంచుతారు? పార్లమెంటు లో  ఇంత స్తంపింగ్ మెజారిటీ ఉండీ కూడా కనీసం విదేశీ బ్యాంకుల్లోని నల్ల ధనాన్ని తెప్పించడానికి మోడీ ప్రభుత్వం పడుతున్న ఆపసోపాలు చూస్తున్నాము. అలాంటిది ఒక రాష్ట్రం లోనో లేక కేంద్రం. లో  కూడా అధికారం లోకి వచ్చి ఇట్లా వాదిస్తున్న వాళ్ళు చేసేది ఎక్కువకు ఎక్కువ తమకు అత్యంత సన్నిహితులు అయిన వారికి కొన్ని ప్రయోజనాలను సమకూర్చి పెట్టగలరేమో గాని వాళ్ళు మాటల్లో చెబుతున్నట్లు గా సంపూర్ణ మైన మార్పు వాళ్ళు అనుకుంటున్న పద్దతుల్లో ఎట్లా సాధ్యమో ఈ వాదనజేసే వాళ్ళ మేధావి వర్గం జవాబు చెప్పాలి. వర్గ స్పృహ లేకుండా వర్గరహిత సమాజం గురించిన ఆలోచన లేకుండా ఎవరు అధికారం లోకి వచ్చినా వాళ్ళ వాళ్ళ ఆస్తులు మరి కొంచెం పెంచుకోవడానికి పనికి వస్తుంది గాని అశేష ప్రజానీకం ఆకాంక్షలు నెరవేర్చే విధంగా ఉండ జాలదు.

    వీరగొని పెంటయ్య.

  విశ్రాంత విద్యా పర్యవేక్షణాధికారి.

కరీంనగర్.

1969 తొలిదశ ఉద్యమం లో 369 మంది బిడ్డలు చనిపోతే , 1997 వరంగల్ డిక్లరేషన్ తో ఆకుల భూమయ్య కన్వీనర్ గా ఏర్పడ్డ తెలంగాణ జన సభ లోని  బెల్లి లలితా కనకా చారి ని అత్యంత క్రూరంగా చంద్రబాబు ప్రబుత్వమ్  చంపించిన తర్వాత వచ్చిన కాంగ్రెస్, తెలంగాణ ఇస్తున్నామని పార్ల మెంటు లో ప్రకటించిన వెంటనే  చంద్రబాబుతో బాటు సీమాంధ్ర లోని అన్నీ రాజకీయ నాయకులు అడ్డు దగిలి ఆపించిన తర్వాత అధైర్య పడ్డ వెయ్యి మంది బిడ్డలు బలవన్మరణం చెందితే సి డబ్ల్యూ సి నిర్ణయం జరిగింది. పార్లమెంటు లో ప్రత్యేక తెలంగాణ బిల్లు పాస్ కాక ముందే కిరణ్ కుమార్ రెడ్డి సర్కారు ఆకుల భూమయ్యను కూడా పొట్టన పెట్టుకుని ప్రజాస్వామిక తెలంగాణా భావనను అడ్డుకొనే ప్రయత్నం చేసింది. సరే ఇంత మంది బలిదానాల కారణంగా తెలంగాణ రాష్ట్రం సిద్దిస్తే సమైక్య రాష్ట్రం లో జరిగిన అన్యాయాలను సరిదిద్దే కార్యక్రమం లో భాగంగా కల్లు గీత కార్మికుల కు జరుగుతున్న న్యాయాన్యాలేమితో ఒక సారి చూద్దాం.

       2004 లో రాజశేకర్రెడ్డి ప్రభుత్వం రాగానే మల్టీ నేషనల్ కంపనీలు లిక్కర్ డాన్ లకు లబ్ది చేకూర్చి అందినకాడికి దండుకోవాలన్న కుట్ర మొదలైయింది . ఫలితంగా అల్తాఫ్బదలా  హైద్రాబాద్ లో .కల్లును  నిషేదించారు.టీఆర్ ఎస్ ప్రభుత్వం తన ఎన్నికల మనిఫెస్టో అమలు లో భాగంగా హైద్రా బాద్ లో కల్లు దుకాణాలను తిరిగి తెరిపించింది . మల్టీ నేషన్ కంపనీల తొత్తులైన సీమాంధ్ర పెట్టుబడి దార్లకు ఇది ఎంతమాత్రం మింగుడు పడలేదు. బస్ , లిక్కర్ మాఫియా లీలలు మళ్ళీ మొదలైనై . పట్టణాల్లో కల్లు కాంపౌండులు వద్దని మహిళా మణుల చేత ఉద్యమాలు తీయిస్తున్నారు. కల్లు కాంపౌండులు తెరిచినందున తమ మగవాళ్ళ ఆరోగ్యాలు చెడిపోతున్నాయని తామూ స్వేచ్చగా తీరుగ లేక పోతున్నామన్నది వారి ఆరోపణ. 

        వాస్తవానికి స్వచ్చమైన కల్లు ఆరోగ్యానికి ఎలాంటి హాని చేయదు. పైగా ఆరోగ్యానికి అవసరమైన మినరల్స్, విటామీన్స్ కల్లు లో పుష్కలంగా ఉంటాయి. భారత ఫుడ్ & న్యూట్రిషన్ గణాంకాల ప్రకారం ఒక కప్పు కల్లు లో శక్తి  114 క్యాలరీలు, పొటాషియం 15 mg.కాల్షియం 0.5%, ఫాస్ఫరస్ 0.1%, మెగ్నీషియం 0.6%, మాంగనీస్ 0.9%, ఐరన్ (ఇనుము ) 0.5% సోడియం 4.4gr,కాపర్ 1.1%, జింక్ 0.3%, సెలీనియం 0.2%, నియాసిన్ (బి 3విటమిన్) 0.1%, ఫంటోతెనిక్ ఆసిడ్ (బి3విటమిన్) 0.2%, థయమైన్(బి1విటమిన్)0.1%, రెబోఫ్లోవిన్ విటమిన్ బి2 0.5%, విటమిన్ బి6 0.3%, విటమిన్ సి 2.4%, ఫోలేట్ 0.2%, ఆల్కహాల్ 4 నుండి 6శాతం , కార్బోహైడ్రేట్స్ 21 gr,  ప్రోటీన్ 0.23 గ్రా||, షుగర్ 18 గ్రా|| డైటరీ ఫైబర్ 0.1 గ్రా||, ఆస్కార్బిక్ ఆసిడ్ 0.16 గ్రా||, సుక్రోజ్ 17.4 గ్రా||. చూడండి ఇవన్నీ మనం అవసరం మేరకు టాబ్లెట్ల రూపం లో టానిక్ రూపం లో మందుల షాప్ లో కొనుక్కొని వాడుతామ్. మందులకంటే  స్వచ్చమైన కళ్ళు వాడితే మంచిదే కదా?

    కళ్ళు దాదాపు 3500 యేండ్ల నుండే ప్రజల వాడుకలో ఉంది.పండుగలు, పబ్బాలు, విషాద,వినోద సమయాల్లో మానసికొల్లాసం కోసం, రిక్రియేషన్ కోసం మనుషులు వాడే ఒక ప్రకృతి సహజ సిద్దమైన , ఆరోగ్య పానీయం కల్లు .ఇటువంటి పానీయాన్ని లిక్కర్ డాన్ లు నియమించిన కూలి ఉద్యమ కారులు వద్దని వారిస్తున్నారు. ప్రతి సెకన్ కు ఒక ప్రాణం  తీస్తున్న మద్యం, గల్లీ గల్లీకి విస్తరించి ఒక్కొక్క సీసా రూ|| 100 నుండి 5000 దాకా అమ్ముడై తుంటే జేబులకు, తాగుబోతుల గుండెలకు చిల్లులు పొడువడం లేదా? అవి వద్దని ఈ మహిళా మనులు ఎందుకు ఉద్యమ్మలు చేయడం లేదని గీత కార్మికులు ప్రశ్నిస్తున్నారు, చరిత్రలో కల్లును మినహాయించి సంపూర్ణ మద్యపానం కోసం ఉద్యమాలు జరిగిన సంఘటనలు ఉన్నాయి. కానీ కల్లు వద్దు మద్యం ముద్దు అన్న ఉద్యమాలు చరిత్ర ఇంతవరకు చూడలేదు మరి .1980 ప్రాంతం లో ఆనాటి పీపుల్స్ వార్ పార్టీ తెలంగాణలో ప్ర, సా. దు , లను , బ్రాందీ బీరు దుకాణాలను మూయించింది. ఆ కొడుకులు సల్లగుండ అని గీత కార్మికులు దీవించిండ్రు.  ఆనాడు గ్రామాల నుండి తరిమి వేయబడ్డ దొరలు,భూస్వాములు పట్టణాలకు జేరి తొండ ముదిరి ఊసర వెల్లి  అయినట్లు బడా పెట్టుబడి దార్లు గా అభివృద్ధి చెంది లిక్కర్ డాన్ లు గా ఎదిగి  పేద  ప్రజల వృత్తుల్లోకి జొరబడి తమ తోడేలు కడుపులు నింపుకోవడానికి గొర్రెల గొంతులు కోరికే కుట్రలు జేస్తున్నరు .

      ఆఁ! కల్లులో కల్తీ జరుగకుండా ఉద్యమించండి ,  నిర్దిస్ట సమయం లోనే కల్లు కాంపౌండు లు తెరువాలని ఉద్యమించండి. ఇంకా మీకు మీ మీ కుటుంబాల ఆరోగ్యాల పట్ల ఆసక్తి ఉంటే పురుగు మందులు కలిపిన కూల్ డ్రింక్స్ నిషేదించాలని వాటి స్తానమ్ లో కల్లును శీతల పానీయంగా అభివృద్ది పర్చాలని ఉద్యమించండి. ఇంకా సమాజం పట్ల మీరు బాధ్యత గా ఫీల్ అయితే కల్లును మినహాయించి సంపూర్ణ మద్యపానం కోసం ఉద్యమిద్దామ్ రండి మీతో చేరడానికి మేమంతా సిద్ధంగా ఉన్నాం. 

     మల్టీ నేషన్ కంపనీల ఉత్పత్తులు వాడితే లాభాలన్నీ విదేశాలకే గదా?కానీ కల్లు వినియోగం వలన స్టానిక కార్మికులకు ఉపాధి లభించి విదేశీ మారకం కూడా ఆదా అవుతుంది కదా? కనుక కల్లు వద్దని వాదించే వాల్లు ఎవరి ప్రయోజనం కోసం ఉద్యామిస్తున్నారో ఒక సారి ఆలోచించుకొమ్మని కోరుతున్నాం.

    స్టానిక వనరులను ఉపయోగించుకొని స్టానిక కస్టజీవులకు ఉపాధి చేకూర్చుకోగలిగిన విధానాలు అవలంభించి నపుడే స్వయం సంపూర్ణ ఆర్థిక వ్యవస్తను బలోపేతం జేసిన వాళ్ళం అవుతాము.కావున కల్లును మినహాయించి కూల్ డ్రింక్స్ తో బాటు సంపూర్ణ మద్యపానం నిషేదం కోసం ఉద్యమిద్దామ్ రండని ఆహ్వానిస్తున్నాం .

                                                           వీరగొని పెంటయ్య.

                                                  సర్వాయి పాపన్న  తెలంగాణ గీత కార్మిక సంగం .

                                                        9908116990.