మరి మా గోడో!
విశాలాంధ్ర పేరుజెప్పి విరుగబడొస్టీరిగదన్న
హైద్రాబాదు,రంగారెడ్డి అదిలాబాదు కాడినుంచి
అంతట దస్తీలేసి ఆస్తి హక్కు అనబడితిరి
అధికారపు అంకుశం తో అనుగదొక్కబడితిరిగద
తెలంగాణ అనొద్దన్న తెలుగు ముఖ్యమంత్రొక్కడు
రాష్ట్రపతి ఉత్తర్వులు రద్దు జేసె నింకొక్కడు
ప్రాంతీయ మండళ్లను పాతరేసినోడొక్కడు
కృష్ణా గోదారి నీళ్ళు కూరాటికుండలు మీకు
నీళ్లూ నిధులల్ల ఎంతో నియ్యతు దప్పిండ్ర లేద
నౌకరీలు గుంజుకుంది నగ్నసత్యమేనాయే
మా రెండులచ్చలుద్యోగాల్ మాయం జేసిన కొడుకుల
వెదికి వెదికి తన్నలేదు ఎర్రిబాగులోళ్లయినమ్
ప్రాణహిత చేవెళ్ళ పోలవరం పోతిరెడ్డి
పొగులేసి పంచుకుంట్రీ పోసుగడంట్రు తెలంగాణ
పాలమూరు వలుసలాయే నలగొండకు ఫ్లోరైడూ
ఆదిలబాదు అడివిబోయే బతుకుబోయే మెతుకుబోయే
ద్రోహులనూ దొరుకబట్టి నిలువుపాతరేయనీకి
నీతిలేని రాజకీయ నేతలున్న నేల మాది
దొంగముండకొడుకులను దొరుకబట్టి కాల్చలేక
మంటలకాహుతులయ్యిరి మరుపురాని మాకొడుకులు
మలమల మాడిన శవాల మంటలాడుగుతున్నై
మాప్రాణాలూవృథాయేన మరిచితీరా మమ్మనంటూ
బుద్ధిజీవులారా మీ బుద్ధి మీద మన్నువడా
ఇన్నిజరిగేతొక్కనాడు తప్పన మీ మనుసురాలే
పేరూ పెద్దన,తిక్కన రూపమేమో రామ రామ
రాతి బొమ్మల్ రాలిపోతే వాటి ఖ్యాతి కీర్తి తక్కువైద్ద
అయినాసరే తెలబానునే తప్పయ్యిందని అంటా
తెచ్చియ్యిండయ్య ఒక్క శ్రీకాంతుడినన్న మాకు
మీ ఎంటివోడు అమరజీవి ఆఖరుకా బమ్మిరెడ్డి
బొమ్మలు బొమ్మలు బొమ్మలు ఎక్కడవడితక్కడనే
ఏమిటి సంబంధమయ్య ఎక్కి తోక్కే ఎన్ కౌంటరా ?
సరివత్తూర ఎవరైన కొమురం భీమ్ తోసాటిగా
కిరాయి కిట్టయ్య కమిటీ కిరాతకెనిమిది చాప్టర్
వేటా కొడువండ్లతోటి వేటాడ్తది సాంబశివుని
చందుసుబ్బరావన్నకు,కావడికుండల కవులకు,కత్తిపద్మరావన్నకు చేతులెత్తిమొక్తం గని
తక్కినాంధ్ర మేతావులు తప్పూ అనని మతులబేంధి ?
ప్రపంచాన్నే ముంచినట్టు పండ్లునూరుతుండ్రెంది
కోల్పోతున్నోల్లమ్మెము కొరకొర జూడమ గాయింత
కొల్లగొట్టేవాల్లవైపే కోరి కోరి నిలుస్తుండ్రు
బలమున్నోడే బతుకుడా?బతుకనీండ్రి బక్కోళ్లను--ఇయ్యనీండ్రి తెలంగాణ!
పెంటయ్య వీరగొని
తెలంగాణ ప్రజా ఫ్రంట్
కరీంనగర్.
9908116990
No comments:
Post a Comment