అశోకం

ఆదివారం ఆంధ్ర జ్యోతి ల ఓల్గా రాసిన " అశోకం " కథ చదివిన తర్వాత మోడి పాలనకు ఆ కథ లోని కొన్ని సంభాషణలకు  దగ్గరి సంభంధం ఉన్నట్టు అనిపించింది.

కథ మండోదరి, సీత, ఆర్య ద్రావిడ సంస్కృతి గురించి ఉంది.

రావణుడికి ఆర్య సంస్కృతి పైన మోజు పెరిగిందట. దాన్ని తాము అందుకొనక పోతే వెనుకబడి పోతామేమో,ఆ మహోధృతి లో ఇక తాము మిగులమేమో అన్న  దిగులు పట్టుకోని నగర లోలత్వం లో పండ్లు, ఫలాలు ఇచ్చే అనేక వృక్షాలను , ప్రకృతిని కాపాడి ప్రాణ వాయువును ఇచ్చే అనేక అడవులను నరికి వేసి అశోక వనం నిర్మిస్తాడట .

అప్పుడు మండోదరి రావనుడి తో అంటుందట " ఆర్య నాగరికతలో ఆడదాని శోకం వినబడుతున్నది . నువ్వు ఎంత ప్రయత్నించినా నగరం లో దాని విషాద ఛాయలు ప్రవేశించక మానవు , అరణ్యాన్ని తీసి వనాన్ని పెంచుతున్నావు."

మోడి కి కూడా విదేశే మోజు బాగా పెరిగింది. కార్పొరేట్ శక్తులకు ఊడిగం చేయడం లో వెనుక బడి పోతే ఎక్కడ మిగుల కుంట పోతామేమో అన్న భయం పట్టుకునట్టు ఉంది. స్మార్ట్ పోన్, ఇంటర్నెట్, క్యాష్ లెస్ ట్రాన్సాక్షన్,అంటూ "  నగరీకరణ

నాగరికతను నేర్పించడానికి నానా తంటాలు పడుతున్నడు. ఆర్య నాగరికతలో మండోదరికి ఆడదాని శోకం వినిపించినట్లు ఇక్కడ కార్పొరేటీకరణలో దినసరి కూలీల, స్ట్రీట్ వెండర్ల, చిరు వ్యాపారుల శోకం మొదలైతదన్న విషయం ఆయనకు పట్టడం లేదు.

నిన్న హైద్రాబాద్ లో ఆటో లో వస్తుంటే జనం బారులు తీర్చి ఉంటే ఏ టి ఏం ఉందేమో అనుకోని దృస్టి సారించి చూస్తే అది రిలేయన్స్ ఫ్రెష్ . ఎందుకు అంత మంది ? బయట షాపులు లేవా అంటే,  సాఫ్ట్ వేర్ ఉద్యోగులకు కార్డ్ సౌకర్యం ఉందని అట . ఇక్కడ మోడి విధానాలు ఎవరికి మార్కెట్ అవుతున్నది. ఎవరికి దోచి పెడుతున్నట్టు? స్వైప్ మిషన్లు, ఇంటర్ నెట్లు, స్మార్ట్ ఫోన్లు, క్రెడిట్, డెబిట్ కార్డులు ,పేటియమ్ లు,   వాటి మార్కెట్ ప్రజల నిత్యావసరాల తో ముడి పెట్టి , గ్రామీణ భారత ప్రజల విద్యా , వైద్యం రవాణా, బాధ్యతల నుండి పూర్తిగా వైదొలిగి ఆర చేతిలో  లో వైకుంఠం చూపేడుతున్నాడు . ఆయన భజన సంఘం ఏమో అచ్చే దిన్ ఆగే హై అంటున్నది.

" ఏది ధర్మమో నిర్ణయించే అధికారం చేతి లోకి తీసుకున్న వారు ఏ మాటలైనా చెప్పగలుగుతారు. ఎంత ప్రాజాపకారం చేసినా అది ప్రజోపకారమే అని బుకాయించి నమ్మించే ప్రయత్నం చేస్తారు. "

అశోకం కథలో మండోదరి అంటుంది " ప్రతి నగరం లోనూ రావణ కాస్టమ్ ఒకటి రగులుతోంది . రావణుడి చితిని ఆరకుండా చేసింది రాముని ఆర్య సంస్కృతి . ప్రతి నగరం లో అవి మండితేనే తమకు మనుగడ అని ఆ సంస్కృతి భావిస్తోంది " . ఈ మాటలు ప్రస్తుత పరిస్తితులకు సరిగ్గా సరిపోతున్నాయి.